شنو الفرق و المعنى ديال طوموبيل خاوية، نص عامرة، عامرة ؟
كيما كتعرفو ملي كاتمشيو اول مرة لاميزون باش تاخدو سيارة جديدة كاتكون مخير بين / سيارة خاوية / سيارة نص عامرة / و سيارة عامرة لي هي الطرجمة ديالها او يقصد بها voiture toute options اولا بالانجليزية Full options.
وكل option طلبتي الاضافة ديالها كيتزاد التمن يعني فاللخر المجموع ديال التمن كايتزاد يعني تمن الخاوية متلا يقدر يكون ب 12
والعامرة ممكن توصل تا 16 متلا بما فيه دلك لون الصباغة نظام المكابح les vitres électrique , abs , lecteur dvd climatisé , volant multifonction ,.... وبزاف ديال لي زوبسيون
وحاجة اخرى فالمغرب قليل les voitures tout options
اغلبية السيارات فالمغرب مابين الخاوية والنص عامرة
اما السيارة العامرة voiture toute options
وكنسطر على هاد الجملة الاخيرة غالبا هي لي كادخل من خارج المغرب يعني كادخل من الاتحاد الاوربي وغالبا كاتلقا فيها
toit panoramique ou toit ouvrant
ركزو غير على هاد toit يعني السقف ملي كيكون غالبا كاتكون الطموبيل عامرة بالكامل الا فبعض الحالات
اما مع شي واحدين ديالنا تا الكليماتيزور مافيها وكيقولك طموبيل عامرة
المهم كانتمنى التوضيح يوصل للناس لي معارفاش
* تنبيه !
- سوف يتم نشر تعليقكم بعد مراجعته
- التعاليق التي تحتوي على كلمات نابية و أرقام الهواتف أو نشر روابط أو إشهار لجهة ما لن يتم نشرها.
- يرجى الكتابة بالحروف العربية أو اللاتينية.